Bu gün Avropa Liqasında pley-off mərhələsinin ilk oyunları keçirilib
Korner.az-ın məlumatına görə, “Qəbələ” doğma meydanda “Maribor”u qəbul edib
Oyun təmsilçimizin 3:1 hesablı qələbəsi ilə başa çatıb.
“Maribor”un baş məşqçisi Darko Milaniç oyundan sonra keçirilən mətbuat konfransında jurnalistlərin suallarını cavablandırıb.
– Çətin oyun oldu. Bəxtsiz vəziyyətlərə görə uğursuz nəticə oldu. Hesab 1:0 olanda və 1:3 olanda da bizim şanslarımız var idi. Bunalra baxmayaraq ikinci oyun üçün əlimizdən gələni edəcəyik.
– “Maribor”un vurduğu qolu təsadüfi saymaq olarmı?
– Biz bura müdafiə üçün gəlməmişdik. İlk hissədə planlaşdırdığımız kimi oynamalı idik. Topa nəzarət bizdə idi. Lakin bilirdik ki, rəqib əks hücumlarda çox təhlükəlidi.
– Bu gün “Maribor” adına gözlənilməz olan nə idi?
– Oyunun nəticəsinə təsir edəcək gözlənilməz məqam yox idi. Buraxılan toplar cərimə meydançasından qayıdan toplardan gəldi. İkinci qolda baxmayarfaq ki, ofsayd idi, bu da bir bəxtsizlik. Üçüncü qolda qapıçıya qarşı qayda pozulmuşdu. Buraxdığımız toplar bəxtsiz idi.
– Hansı çətin şərtlər altında oynadız?
– Hava şəraiti bizim üçün çətinlik yaratdı.
– “Qəbələ” “Maribor”dan güclü idi, ya bəxtsizlik?
– “Qəbələ” güclü rəqibdi. Bunu dünən də dedim. Bu fikrimdən daşınmıram. Buna baxmayaraq qarşıda növbəti 90 dəqiqə var. Öz meydanımızda oynayacağıq. Şanslarımız hələ də qalır. “Qəbələ”nin güclü olması faktdı dəyişmir. Sadəcə olaraq bəzi epizodlar bizim əleyhimizə işlədi. Eyni hal rəqiblə də ola bilərdi.
– İkinci hissə ilk hissədən fərqli oldu. Bəxtsizlik olduğunu dediniz. “Maribor”un bəxti güclüdü, ya Bezotosnının?
– Təkrar edirəm, bu görüşdə hər iki istiqamətdə cərəyan edə bilərdi. Fürsətlərdən istifadə edə bilsəydik, hər şey fərqli olardı.
