“Qəbələ” klubunun rusiyalı futbolçusu Marat İzmaylov ölkəsinin mətbuatına müsahibə verib.
Korner.az həmin müsahibəni sizə təqdim edir:
– Marat, mövsümün ilk yarısında “Portu”nun heyətində Çempionlar Liqasının qrup mərhələsində “Avstriya”ya qarşı cəmi 24 dəqiqə oynadın. Həmin görüşdən sonra gözdən itdin. Portuqaliya klubunda şəxsi problemlərin olduğu bildirilir. Nələr oldu?
– Bunu müzakirə etməyə hazır deyiləm. Bəli, şəxsi problemlərim var idi. Məsələnin detallarına varmaq istəmirəm.
– Hazırda bu problemlərin həll olunubmu?
– Demək olar ki həll olunub.
– Portuqaliya mətbuatı hətta sənin karyeranı bitirmək haqda düşündüyünü yazırdı. Bu nə dərəcədə doğrudur?
– “Portu” klubunun razılığı ilə məşqlərdən azar olundum. Komanda mənə şəxsi problemlərimi həll etməyim üçün vaxt vermişdi. Heç kəs məşqsiz və oyunsuz günlərimin belə uzun sürəcəyini ehtimal etmirdi. Həmin vaxt beynimdə müxtəlif fikirlər var idi, ancaq sonda belə qənaətə gəldim ki, futbol mənim həyatımdır. Ciddi şəkildə karyeramı bitirmək barədə düşünməyə hazır deyiləm. Məni yenidən futbola qaytardığı üçün “Portu” və “Qəbələ” klublarına təşəkkür edirəm. Artıq bundan sonrası özümdən asılıdır.
Qeyd edək ki, Marat İzmaylovun Topaz Premyer Liqanın 20-ci turu çərçivəsində “Qarabağ”la baş tutacaq görüşdə debüt edəcəyi gözlənilir.
