Argentina futbolunun canlı əfsanəsi Dieqo Armando Maradona Uruqvay yığmasının hücumçusu Luis Suaresin FİFA tərəfindən 4 aylıq cəzalandırılmasına münasibət bildirib.
Korner.az-ın məlumatına görə, Maradona FİFA-nın bu qərarının ədalətsiz olduğunu bildirib:
“Ədalətsiz qərar verildi. Suaresin bu qədər cəza almasını anlamıram. O nə edib ki? Adam öldürüb? FİFA niyə onun edamını da istəmədi? Hər futbolçu karyerası ərzində dünya çempionatında oynamaq üçün çalışır. Ancaq FİFA Suaresi mundialdan kənarlaşdırdı. Zidanın “DÇ-2006″nın finalında etdiyi hərəkəti xatırlayın. Həmin hərəkətdən sonra FİFA Zidana “Qızıl buts” mükafatını vermişdi”.
