Milan “İnter”inin çalışdırıcısı Roberto Mançinini təhqir etdiyinə görə 2 oyunluq diskvalifikasiya olunan “Napoli” klubunun baş məşqçisi Maurisio Sarri söylədiklərinin yanlış anlaşıldığını deyib.
Korner.az-ın məlumatına görə, Sarri söyüşkən olduğunu etiraf etsə də, homofob olmadığını söyləyib.
“Mən ona “pozaçı” demək istəmişəm, bu ifadə isə şəxsin cinsi oriyentasiyasını aşağılamır. Biz toskaniyalılar istiqanlı insanlarıq, emosiyalarımız bəzən çərçivəni aşır, buna görə də çox söyüş söyürük.Səhv etmişəm, etiraf edirəm. Futbol dünyasının geyləri bu hərəkətimə görə özlərini aşağılanmış hiss etməsinlər. Futbolda həmişə geylər olub, var və olacaq. Ümid edirəm, bu qalmaqal onlara irəli çıxarq öz cinsi oriyentasilarını aşkar şəkildə ifadə etmələrinə yardım edəcək. Ən azı, “Napoli”də buna görə kiməsə problem yaradılmaz”, – deyə çalışdırıcı bildirib.
