“Qalatasaray”ın baş məşqçisi Roberto Mançininin 51-ci TSYD İdman Zirvəsi seminarında səsləndirdiyi fikirlər səs-küyə səbəb olub.
Korner.az-ın məlumatına görə, iclasda şok açıqlama ilə çıxış edən italiyalı baş məşqçi türk məşqçilərin təqidi ilə üzləşib.“Türkiyə futbolunun Almaniya, İspaniya, İtaliya və İngiltərə səviyyəsində olduğunu söyləyə bilmərəm. Ölkədə hər şey inkişaf edərkən, baş məşqçi və futbolçular inkişaf etməyib. Bəlkə də, türkiyəli baş məşqçilər daha çox xarici klublara üstünlük verməlidirlər. Ya da Biliç və ya Şota kimi baş məşqçilər bura gələrək futbolun inkişafı üçün işləyə bilərlər“ deyən Mançininin cavabının türk mütəxəsislər sərt şəkildə veriblər.
Sərgən Yalçın: “Bu dediklərini yedirtərlər adama”
“Mançini kimi adamları gətirib 5 milyon avro birbaşa verəndə, adam sənin baş məşqçilərini belə təhqir edər. Bunun başqa açıqlaması yoxdur! Gör nə günlərə qaldıq! Mançinin də baş məşqçiliyini mövsümün sonunda görəcəyik. Görək neçənci yerdə bitirəcəklər Superliqanı. Bura Türkiyədir, çox boş-boş danışmasın. Sonra hər dediyini yemək zorunda qalar. Danışarkən yaxşı fikirləşsin, həddini bilsin! Ağlını başına toplasın!”
Fatih Terim: “Bir çox yollara əl atırlar“
“Hər kəsin bir fikri var, bu da onun fikri. Türk futbolçularının bir çoxunun özlərinin üzərində işlədiklərinə və çoxunun yüksək səviyyəli futbolçu olduğuna inanıram. Baş məşqçilər özlərini inkişaf etdirməkdən ötrü bir çox yollara əl atırlar”.
Mustafa Dənizli: “Bütün baş məşqçilər eyni təhsili alırlar“
“Hansı müddətdə bu qərarı qəbul eləyib çox maraqlıdı. Bu qədər qısa müddətdə bu qərara gəlmək imkansızdır. Hansı mənada söyləyib onu öyrənmək lazımdı. Türkiyə UEFA ölkəsidir. Bütün baş məşqçilər standrt qaydada təhsil alırlar. Hamısının bütün ölkələrdə işləmək imkanı var. Mançini türk məşqçilərlə 2 gün əvvəl görüşüb. Kaşki bu fikirlərini orda səsləndirərdi”.
Yılmaz Vural: “Nə qədər çörək, o qədər ət“
“Mən italiyan baş məşqçilərin nə təhsil aldığını bilmirəm, onun da türkiyəli baş məşqçilərin necə təhsil aldığını bilmədiyinə əminəm. Görəsən, bu sözləri Türkiyə futbolunun Avropadı mövqeyi səbəbindənmi söyləyib? Badimcandan yarpaq dolması olmaz. Bizə təklif olunan təkliflərlə, onlara təklif olunanlar arasında dağlar qədər fərq var. Yəni nə qədər çörək, o qədər ət. Bu səbəbdən cənab Mançinini ciddi qəbul eləmirəm”.
