“Mançester Yunayted”in yeni baş məşqçisinin adı məlum olub.
Korner.az-ın məlumatına görə, Britaniya təmsilçisi rəsmi “facebook” səhifəsindən Aleks Ferqyussondan sonra komandanı David Moyesin çalışdıracağı ilə bağlı xəbərin ardından bu məsələ artıq mediada da öz əksini tapıb.
“Qırmızı şeytanlar”la 6 illik müqavilə imzalayan Moyes düşüncələrini jurnalistlərlə paylaşıb:
“Ferqyussonun mənim haqqımda xoş sözlər deməsinə çox sevindim. Onun bu komandaya etdikləri göz qabağındadı. Burada işim heç də asan olmayacaq. Çünki dünyanın ən yaxşı baş məşqçisinin yerinə gəlirəm”
Qeyd edək ki, Moyes 11 ildi – 2002-ci ildən “Everton”a başçılıq edirdi.
