“Mançester Yunayted”də ayrılıq yaxındır
15.12.2025 , 12:44
“Mançester Yunayted”in yarımmüdafiəçisi Manuel Uqarte gələn ay klubdan ayrıla bilər.
Korner.az xəbər verir ki, buna səbəb 24 yaşlı oyunçu “qırmızı şeytanlar”ın əsas heyətində daha az şans əldə etməsidir.
Xarici KİV yazır ki, İngiltərə klubu qış transfer pəncərəsində Uqarte üçün gələn təklifləri nəzərdən keçirməyə hazırdır. Onunla La Liqa, A Seriyası və Fransa Liqa 1-dən klublar maraqlanır.
Bu mövsüm Ruben Amorim rəhbərliyi altında Uqarte komandada 11 oyunda iştirak edib və yalnız 3 dəfə start heyətində meydana çıxıb.
