“Mançester Yunayted” Skott Maktomineyi geri qaytarmaq istəyir
13.11.2025 , 21:16
“Mançester Yunayted” yetirməsi Skott Maktomineyin yenidən komandaya qayıtması variantını dəyərləndirir.
Korner.az xəbər verir ki, hazırda “Napoli”də çıxış edən 28 yaşlı yarımmüdafiəçi İngiltərəyə dönüş ehtimalı ilə gündəmdədir.
İtaliya klubu hələlik Maktomineyin rəsmi qiymətini açıqlamayıb, lakin onu transfer etmək istəyən komandalar azı 50 milyon avro ödəməli olacaqlar.
Şotlandiyalı futbolçuya “Nyukasl” və “Tottenhem” də maraq göstərir. Bununla belə, Maktomineyin 2024-cü ilin yayında keçdiyi “Napoli”dən ayrılmaqda israr etmədiyi bildirilir.
Xatırladaq ki, Maktominey “Mançester Yunayted”in heyətində 255 oyunda meydana çıxıb, 29 qol vurub və 8 məhsuldar ötürmə ilə yadda qalıb.
