Mançester Yunayted” Reşforda görə narahatdır
20.02.2026 , 15:57
“Mançester Yunayted” hücumçusu Markus Reşfordun “Barselona”ya birdəfəlik transfer oluna biləcəyindən ehtiyat edir.
Korner.az xarici KİV-ə istinadən xəbər verir ki, mankunianlılar icarə müqaviləsinə 30 milyon avroluq satınalma bəndi daxil etdiklərinə görə peşmanlıq yaşayır. Klub daxilində hesab olunur ki, ingiltərəli forvardın hazırkı bazar qiyməti azı 57 milyon avrodur.
Bununla yanaşı, klub rəhbərliyi gələcək baş məşqçinin Reşfordu komandada saxlamaq istəyə biləcəyini də nəzərdən keçirir.
“Barselona” hücumçunu ötən yay icarəyə götürüb. Reşford kataloniyalıların heyətində bütün turnirlərdə 34 matça çıxıb, 10 qol vurub və 13 məhsuldar ötürmə edib.
