“Mançester Yunayted” Ceyms Qarneri transfer etmək istəyir
26.11.2025 , 22:30
“Mançester Yunayted” İngiltərə Premyer Liqasının “Everton” klubunda çıxış edən yarımmüdafiəçi Ceyms Qarneri heyətinə qatmaq niyyətindədir.
Korner.az xəbər verir ki, 24 yaşlı futbolçu “qırmızı şeytanlar”ın diqqət mərkəzindədir.
Məlumata görə, mövsümün sonunda müqaviləsi bitəcək Qarnerə “Nottinqem Forest” və “Aston Villa” da maraq göstərir. “Everton”un baş məşqçisi isə onu komandada saxlamaq üçün yeni müqavilə planlaşdırıldığını bildirib.
2022-ci ildən “Everton”da çıxış edən Qarner bu mövsüm “Mançester Yunayted”ə qarşı oyunda (1:0) qələbə qolunun ötürməsini edib və diqqətləri üzərinə çəkib.
