“Mançester Siti”nin futbolçusu “Atletiko”nun hədəfində
04.06.2024 , 18:14
“Atletiko”nun yeni transfer hədəfi məlum olub.
Korner.az xəbər verir ki, Madrid təmsilçisi “Mançester Siti”nin 24 yaşlı argentinalı hücumçusu Julian Alvaresi heyətinə qatmaq istəyir.
Bu barədə “Marca” məlumat yayıb.
Xəbərdə, “Atletiko Madrid”in futbolçu və onun meneceri ilə rəsmi əlaqə saxladığı bildirilib.
Bu mövsüm “Mançester Siti”nin heyətində 54 matçda forma geyinən ulduz hücumçu 19 qol vurub, 13 məhsuldar ötürmə edib.
