“Çelsi”nin baş məşqçisi Antonio Konte “Mançester Siti”nin İngiltərə Premyer Liqasındakı parlaq çıxışına münsaibət bildirib. İtaliyalı mütəxəssis 18 oyunun yalnız 1-də heçheçə edib, qalan hamısında qələbə qazanan “şəhərlilər”in bir az da bəxtinin gətirdiyini söyləyib:
“Hər oyun qalib gələn komanda var. Lakin qələbə üçün can qoyan başqa komandaları da yaddan çıxarmaq olmaz. Mənim futbolçularım son 10 oyunda özlərini yaxşı tərəfdən göstəriblər. Bir qədər məyusam. Bu sözü söyləmək çox çətindir. Çünki digər komandaya hörmətlə yanaşmalısan. Lakin “Mançester Siti”nin bəxti gətirdiyini də deməliyəm. “Sauthempton”la oyunda 96-cı dəqiqədə qol vurdular. “Bornmut”la da elə oldu. “Haddersfild”lə qarşılaşmada da bunu gördük”.
