“Mançester Siti” onu geri qaytaracaq
27.11.2024 , 13:30
“Mançester Siti” yay transfer pəncərəsi zamanı “İpsviç Taun”a göndərdiyi Liam Delapı geri qaytarmağı düşünür.
Korner.az xəbər verir ki, bu barədə İngiltərə mətbuatı məlumat yayıb.
Xəbərdə, “Mançester Siti” ilə “İpsviç Taun” arasında bağlanan müqavilədə sonrakı satışda pay bəndinin yer aldığı və gənc oyunçunun başqa komandaya transfer olunacağı təqdirdə, “Mançester Siti’nin də bu transferdən qazanc əldə edəcəyi bildirilib.
“İpsviç Taun”un yay transfer dövründə “Mançester Siti”dən 17,8 milyon avroya heyətinə qatdığı mərkəz hücumçusu 13 matçda 6 qol vurub, 1 məhsuldar ötürmə edib.
