Milli

Maltanın baş məşqçisi: “Azərbaycan fantastik komandadır”

14.10.2018 , 22:25

UEFA Millətlər Liqasının IV turunda keçirilən Azərbaycan – Malta (1:1) oyunundan sonra keçirilən mətbuat konfransında qonaq komandanın baş məşqçisi Rey Farruciya jurnalistlərin suallarını cavablandırdı…

O, əvvəlcə görüş barədə fikirlərini bildirib

– Komandam yaxşı performans göstərdi. Azərbaycan çox yaxşı komandadı. Biz səfərdə qol vurduq, xal qazandıq. Oyunçular hər şeyini verdi. Kosovo ilə oyundan fərqli oynadıq. Baxmayaraq ki, çətin oyundan gəlmişdik, komandanın çıxışından tazı qaldım.

– Kosovoya məğlubiyyətdən sonra komanda çox tənqid olunurdu. Bu gün isə daha güclü rəqiblə oyundan xalla ayrıldız…
– Həyat belədi. Mən, təbii ki, insanlara qulaq asıram. Onlardan öyrənirəm. Hamının fikrini eşidirəm. İnsanların bizi tənqid etməyə haqqı var. Bundan daha da güclənirik. Bizim bir neçə yaşı 21-dən aşağı futbolçumuz var. Düzgün istiqamətdə irəliləyirik. Daha da güclü olmağımız üçün vaxta ehtiyac var.

– Bu gün oynayan gənc futbolçuların çıxışı sizi qane etdi?
– Bu, bizim işimizdi. Artıq fəlsəfəni dəyişməyin vaxtı çatıb. Cavanlar təcrübəlilərdən öyrənməlidi. Çox yaxşı oynadıq. Azərbaycan fantastik komandadı. Buna görə də nəticə çox ürəkaçan oldu.

– Matçdan əvvəl komandaya inandığınızı deyirdiz. Bu, nədən qaynaqlanırdı?
– 12 illik təcrübəm var. Məni tanıyanlar bilir ki, heç zaman təslim olmayacam. Maltanın baş məşqçisi olmaq çox çətindi. İnkişafın ilkin cücərtiləri var. Zamanla bu, daha da yaxşı olacaq.

– Qrupda hər iki xalınızı Azərbaycandan almısız. Bu rəqibinizin hansı zəif nöqtəsini tapmısız?
– Hər oyunun öz hekayəsi var. Azərbaycana qarşı iki yaxşı oyun keçirdik. Amma qrupda ən yaxşı matçımız Farer adalarına qarşı oldu. Baxmayaraq ki, məğlub olmuşduq. Bu gün nəticədən çox komandanın oyunundan razı qaldım.

– Növbəti iki oyundan gözləntiləriniz nədi?
– İki oyunçumuz geri qayıdacaq. Kiçik adayıq və hər oyunçunun hazır olması lazımdı. Pozitivik və növbəti oyunları səbrsizliklə gözləyirik.

– Qazandığınız xalı antifutbolla qazandığınızı demək olarmı? Çünki futbolçularınız tez-tez yerdə qalır, vaxt uzadırdılar…
– Bu, futbolun bir hissəsidi. Mən komandamdan razıyam. Çox yaxşı oynadıq.

Son yazılar

Yuxarı