Maksim Medvedev 400-cü görüşünə çıxdı
20.04.2019 , 18:31
Topaz Premyer Liqasının XXV turunun “Keşlə” ilə oyunu “Qarabağ”ın futbolçusu üçün yubileylə əlamətdar olub.
PFL-in məlumatına görə, Maksim Medvedev yubiley matçına çıxıb. Sonuncu rekordçusu olduğu Ağdam klubunun heyətində ümumilikdə 400-cü oyununu keçirib. Maksim bu görüşlərdə 12 qol vurub. 30 yaşlı arxa xətt oyunçusu çempionatda 282 (10 qol), kubokda 37 (1 qol), avrokuboklarda 81 (1 qol) dəfə meydana çıxıb.
Qeyd edək ki, görüş “Qarabağ” klubunun “Keşlə” üzərində 3:0 hesablı qələbəsi ilə başa çatıb.
