"Desəm ki, yorğunam, deyəcəklər niyə oynamırsan? Yorğunluq var, ancaq belə fikirləri başdan çıxarmaq lazımdır. Qarşıda vacib oyunumuz var. Bütün diqqətimizi bu oyuna yönəltməliyik".
Bu sözləri "Neftçi"nin müdafiəçisi Mahir Şükürov Korner.az-ın əməkdaşının sualına cavabında deyib.
Şükürov bildirib ki, yorğun olması barədə baş məşqçi Böyükağa Hacıyevlə söhbət etməyib: "Onunla söhbətimiz olsa da, yorğunluq haqda danışmamışam. Mənə millinin oyunundan sonra bir günlük istirahət veriblər. Millidən qayıtdıqdan sonra “Neftçi”nin məşqlərinə qatılmışam. Yorğunluğum elə də yoxdur. Sadəcə, Moskvada süni meydanda oynamaq müəyyən çətinliklər yaradır. Ancaq Kazanda təbii ot örtüyündə çıxış edəcəyik. İnşallah, orada problem yaranmaz.
Saleh Arslan
Kazan
