Mahir “Dinamo”ya keçidindən danışdı: “Çox xoşbəxtəm”
03.02.2022 , 10:49
Azərbaycan millisinin futbolçusu Mahir Emreli Xorvatiyanın “Dinamo” (Zaqreb) klubuna keçidi barədə danışıb.
Korner.az xəbər verir ki, 25 yaşlı hücumçu bunları deyib:
“Dinamo”ya Xorvatiyada və ölkə xaricində böyük hörmətlə yanaşırlar. Belə bir klubla müqavilə bağladığım üçün çox xoşbəxtəm. Bu, həqiqətən də keyfiyyətli, ən yaxşı peşəkarların çalışdığı ciddi klubdu. Oyunumla, cəhd və səylərimlə, özünəinamımla gələcəkdə komandamın nəticələrində pay sahibi olacağıma, çempionluq titulunu qorumağa və “Dinamo”nu avrokuboklarda layiqincə təmsil edəcəyimizə inanıram. “Dinamo” bir futbol klubundan da üstün olmaqla, Zaqreb və Xorvatiyanın simvolu, çoxsaylı azarkeşə, Xorvatiya və Avropa futbolunda xüsusi önəmə sahibdi. Bu da burda olmaqdan qürur duymağımın daha bir səbəbidi. Bu klub üçün əlimdən gələnin ən yaxşısını edəcəyimə söz verə bilərəm”.
