Premyer Liqaya çıxmağa çalışan “Queens Park Reyncers” çətin günlər yaşayır.
Korner.az-ın məlumatına görə, İngiltərə klubunun hazırda 177 milyon funt-sterlinq borcu var.
Klub rəhbərliyi vəziyyətdən çıxmaq üçün 26 futbolçudan qurtuqmaq qərarına gəlib. gəlib. Bu futbolçular ya mövsümün sonunda satılacaq, ya da daha az maaşla komandada saxlanılacaq.
Bu qərardan sonra maaşı yüksək olan Şaun Vriqt-Fillips, Jermaine Jenas, Robert Qrin, Aaron Haqes, Riçard Dunne və Bobbi Zamora kimi futbolçuların komandanı tərk etmək ehtimalı yaranıb. Eyni zamanda başqa kulblara icarəyə verilmiş Loik Remi, Adel Taarabt, Stepan Mbia, Esteban Qranero, Samba Diakite və Cesar kimi oyunçuların da satılmasına qərar verilib.
Qeyd edək ki, klubu 2011-ci ildə satın alan malaziyalı iş adamı Toni Fernandes etdiyi önəmli transferlərə rəğmən komandanın Premyer Liqanı tərk etməsinin və borclarının azalmasının qarşısını ala bilməyib. “Queens Park Reyncers”in borcları ötən il 86 milyon funt-sterlinq artaraq 177 milyona çatıb. Futbolçulara ödənən maaşın məbləği isə 58 milyondan 78 milyon funt-sterlinqə qalxıb.
