Yaponiyanın “Sereso Osaki” klubunun şərəfini qoruyan uruqvaylı Dieqo Forlan yığma karyerasını başa vurduğunu açıqlayıb.
Korner.az-ın məlumatına görə, bu addımını gənc futbolçulara yol açmaq üçün atdığını deyib.
“Bu qərarı vermək çox çətin idi. Hər şey nə vaxtsa bitir. Hiss etdim ki, gənc nəslə yol açmağın vaxtı çatıb. Milli komandada oynamaqdan hər zaman qürur duymuşam”, – deyə Forlan bildirib.
Qeyd edək ki, milli komandanın heyətində meydana çıxdığı oyunların sayına (112) rekordçu olan Forlan yığmanın forması ilə 36 qol vurub.