“Məndə heç bir həyəcan yoxdur”
02.08.2022 , 18:28
Çempionlar Liqasının III təsnifat mərhələsində keçiriləcək “Qarabağ” – “Ferentsvaroş” ilk oyunundan öncə təşkil olunan mətbuat konfransında Azərbaycan klubunun baş məşqçisi Qurban Qurbanov jurnalistlərin suallarını cavablandırıb.
Korner.az xəbər verir ki, o, əvvəlcə sabahkı matç barədə fikirlərini bildirib.
– Yaxşı komandaya qarşı oynayacağıq. Təcrübəli baş məşqçiləri var. Çerçesov Rusiya futbolunda ən öndə gedən simalardan biridir. Geniş karyerası var. Bu komandaya qarşı çox diqqətli olmalıyıq. Yüksək hücum potensialına malikdirlər. Rəqibi yaxından tanımağa çalışmışıq. Ən doğrusunu etməyə çalışacağıq. Komandanın üzərinə böyük iş düşəcək. Futbolçularıma inanıram. Ən yaxşı oyunlarımızdan birini göstərməyə çalışacağıq.
– Oyun ətrafında sanki süni ajiotaj və daha çox Qurbanov – Çerçesov mübarizəsi ab-havası yaradılır. Bu, üzərinizdə əlavə təzyiq yaratmır?
– Bu günlərdə mətbuatdan uzaq olmağa çlışmışam. İlk günlərdən çox fikir bildirildi. Ümumən, buna normal baxıram. Hərtəfərli maraqlı qarşılaşmadır. Məndə heç bir həyəcan, təzyiq yoxdur. Yaxşı komandalara, məşqçilərə qarşı oynamaq mənim üçün maraqlı olur. Potensialımı artırmaq, təcrübə toplamaq üçün bu, yaxşıdır. Fərqli oyun üslubu olan məşqçiyə qarşı oynamaq maraqlıdır və bu da gələcəkdə işimin dah yaxşılaşmasına səbəb olacaq.
– 3 ciddi itkiniz var. Daha böyük itki olmaması üçün çempionat matçınızın təxirə salınması müraciəti etmisiz?
– Etmədik. Sağ olsunlar, federasiyadan da bizimlə maraqlandılar. Digər futbolçularımız da var. Onların da oyun təcrübəsinin artmasını istəyirik. Daha yaxşı idman formasında olmaları üçün bu, lazımdır. İtkilərimiz var. Amma futbol mübarizədir. Çempionlar Liqasının adı böyükdür, burada daha çox enerji itirirsən. Hələ ki təxirəsalma ilə bağlı fikrimiz yoxdur.
– Bu mövsüm “Qarabağ”a düşmüş ən güclü rəqibin “Ferentsvaroş” olduğu deyilir…
– İlk mərhələdən ən yaxşıları gəlir. Bu mərhələyə qədər böyük üstünülkülə gəlibsə, deməli, “Ferentsvaroş” daha yaxşı idman formasındadır. Burada hər ölkənin çempionu oynayır. Çempionatları nəzərə ala bilərik ki, onların liqaları bizdən daha üstündür. Amma bizim də təcrübəmiz var. Şansdan maksimum istifadə etmək istəyirik. Birini digərindən üstün saymaq istəmirəm. Balanslı komandaya qaşrıo ynayacağıq. Biz də bura kimi gəlmişiksə, şansımız az deyil. Layiqli mübarizə aparmağa çalışacağıq.
– “Qarabağ” indiyə qədər bir çox hallarda ədalətsiz hakim qərarları ilə üzləşib. Sabah oyununuzda VAR sistemindən istifadə olunacaq.
– VAR sisteminin olması, deyərdim ki, əlavə yükdür. Bəzi epizodlara indi daha çox diqqət ediləcək. Belə olanda futbolçuların üzərinə əlavə yük düşəcək. Daha diqqətli olmalıdırlar. Çünki heç nə diqqətdən qaçmır. Amma getdikcə bunun faydası daha çox olacaq. Heç bir komandanın nəyinsə acısını çəkməsini istəməzdim. Kim layiqdisə, onun qələbə qazanmasını istəyirəm. Hər bir halda buna sevinirəm. Bəzən hətta VAR sistemində belə? futbolçu və məşqçilərin fikirləri üst-üstə düşmür. İstəmərəm ki, VAR-la bağlı nəsə müzakirə oliunsun. Bu da futbolun əlavələrindən biridir. Maraqlı olacaq. İnanıram ki, ədalət öz yerini tapacaq. (Futbolpress)
