Yeni mövsümə hazırlıqları davam etdirən “Rəvan”ın düşərgəsinəı daha bir futbolçu qoşulub.
Korner.az-ın klubdan əldə etdiyi məlumata görə, bu argentinalı hücumameyilli yarımmüdafiəçi Matias Kordobadı.
Bir vaxtlar komandanın düşərgəasində olan, lakin zədələndiyi üçün geri göndərilən 29 yaşlı yarımmüdafiəçi artıq Bakıdadır. Dünən Azərbaycana gələn futbolçu bu gün “Rəvan”ın məşqlərinə qoşulacaq. Futbolçu özünü yaxşı tərəfdən göstərsə, onunla müqavilə imzalanacaq.
Qeyd edək ki, Kordoba ölkəsinin məşhur “Argentinos Xuniors”, “Tiqre”, “Kilmes”, “San Martin”, ABŞ-ın “Real Salt Lake”, Venesuellanın “Monaqas” və Meksikanın “Atlante” klublarında çıxış edib. Son iş yeri isə “Pert Glori” klubu olub.
