Məşhur futbolçu Dieqo Forlan yığmadan getmək qərarına gəlib.
Korner.az-ın məlumatına görə, 36 yaşlı forvard artıq Uruqvay millisinin formasını geyinməyəcəyini açıqlayıb.
DÇ-2010-un ən yaxşı futbolçusu seçilmiş Forlan karyerasının son illərini sıx qrafiklə keçirmək istəmədiyini deyib və gənclərə yol açmaq üçün bu qərara gəldiyini bildirib.
Qeyd edək ki, Dieqo Forlan Uruqvay millisi ilə bir dəfə Amerika Kubokunu (2011) qazanıb, DÇ-2010-da 4-cü yeri tutub. Millidə ən çox oyun keçirən (112) futbolçu ünvanını qoruyan veteran hücumçu 36 qolla bombardirlər yarışında da ikincidi.
