Lusio karyerasını başa vurdu
02.02.2020 , 18:22
Braziliya yığmasının sabiq müdafiəçisi Lusio karyerasını başa vurub.
Korner.az xəbər verir ki, o, bununla bağlı “Instagram” hesabında paylaşım edib.
Futbolçu 22 illik karyerasını tamamlamağa qərar verdiyini bildirib.
“Quara”nın yetirməsi olan, daha çox “Bavariya”, “Bayer” və Milan “İter”indəki çıxışı ilə tanınan braziliyalı futbolçu, “İnternasional”, “Yuventus”, “San Paulo”, “Palmeyras”, “Qoa”, “Qama” və “Braziliense” klublarının da uğurları üçün çalışıb.
O, Braziliya yığmasında 105 oyun keçirib, 4 qola imza atıb.
