Lukman üçün nəhəng klublar yarışa qoşulub
13.11.2025 , 14:31
“Atalanta”nın hücumçusu Ademola Lukman bir çox Avropa nəhənglərinin transfer hədəfinə çevrilib.
Korner.az-ın xarici KİV-ə istinadən xəbər verir ki, 28 yaşlı nigeriyalı futbolçunun icarə əsasında transferi ilə “Qalatasaray” da maraqlanır.
Lukmanın həmyerlisi Viktor Osimhenin Türkiyədəki uğurlu çıxışı onun qərarına təsir göstərə bilər.
Bundan əlavə, futbolçuya “İnter”, “Roma”, “Napoli”, “Atletiko Madrid”, “Tottenhem”, “Aston Villa” və “Vest Hem” kimi klublar da maraq göstərirlər. “Atalanta” Lukmanı 55–60 milyon avro aralığında bir məbləğə satmağa hazırdır.
Cari mövsümdə Lukman bütün turnirlərdə 10 matçda meydana çıxıb və 1 qol vurub. Onun “Atalanta” ilə müqaviləsi 2027-ci ilin yayına qədər qüvvədədir.
