Lukman “Qalatasaray”ın hədəfində
03.11.2025 , 20:00
“Atalanta”nın hücumçusu Ademola Lukman karyerasını Türkiyə Super Liqasında davam etdirə bilər.
Korner.az xəbər verir ki, “Qalatasaray” nigeriyalı futbolçunu heyətinə qatmaq niyyətindədir. Bu barədə xəbər “Fanatik” nəşrində dərc olunub.
Əgər İstanbul klubu Çempionlar Liqasında pley-off mərhələsinə vəsiqə qazanarsa, Lukmanın transferi üçün addımlar atılacaq. “Atalanta” 28 yaşlı forvard üçün 20 milyon avro tələb edir, futbolçunun isə illik maaş istəyi 8 milyon avrodur.
Qeyd edək ki, Ademola Lukman 2022-ci ilin yayında “Leypziq”dən “Atalanta”ya keçib. Nigeriya millisinin üzvü bu mövsüm A Seriyasında 8 oyuna çıxıb və 1 qol vurub. Onun müqaviləsi 2027-ci ilin yayına qədərdir.
