Luka Din “Everton”da
28.07.2018 , 18:17
Yay transfer dönəminin ən fəal klublarından biri olan “Everton” yeni transferiylə gündəmə gəlib
İngiltərə klubu, “Barselona”nın müdafiəçisi Luka Dini heyətinə cəlb edib. 25 yaşlı sol cinah müdafiəçisinin keçidi üçün 16,5 milyon avro ödəməli olan Premyer Liqa klubu, Kataloniya klubundan Yerri Minanı da 30 milyon avro qarşılığında transfer etməyə çalışır.
Qeyd edək ki, fransalı futbolçu 2016-cı ildə PSJ-dən 20,5 milyon avroya “Barselona”ya transfer olmuşdu.
