Luis Suares “İnter Mayami”də qalır – Rəsmi
17.12.2025 , 21:46
“İnter Mayami” klubu hücumçusu Luis Suareslə yeni müqavilə imzalayıb.
Korner.az xəbər verir ki, bu barədə klubun mətbuat xidməti məlumat yayıb.
Məlumatda bildirilir ki, tərəflər arasında sözləşmənin müddəti 2026-cı ilin mövsümünün sonuna qədər etibarlı olacaq.
38 yaşlı Uruqvaylı futbolçu 2024-cü ildə “Qremio”dan 4 milyon avro qarşılığında “İnter Mayami”yə transfer olunub. Keçən mövsümdə MLS-də 32 matçda 10 qol vurub və 10 məhsuldar ötürmə edib. Suares həmçinin komandası ilə MLS çempionluğu yaşayıb.
Qeyd edək ki, Luis Suares Uruqvay milli komandası tarixində ən çox qol vuran oyunçudur.
