Luis Suares “İnter Mayami”də qala bilər
12.12.2025 , 10:30
“İnter Mayami” təcrübəli hücumçu Luis Suareslə əməkdaşlığı davam etdirməyə yaxındır.
Korner.az xəbər verir ki, klub rəhbərliyi uruqvaylı futbolçunun daha bir mövsüm komandanın heyətində olmasını istəyir.
Klubun həmtəsisçisi Xorxe Masa açıqlamasında bildirib ki, 38 yaşlı hücumçunun gələcək karyerası ilə bağlı son söz özünə aiddir. Rəhbərlik Suaresin çıxışından razıdır və onun daha bir il komandada qalmasına müsbət yanaşır.
Geridə qalan MLS mövsümündə Suares 32 oyunda meydana çıxıb, 10 qol və 10 məhsuldar ötürmə ilə yadda qalıb. Uruqvaylı forvard 2023-cü ilin dekabrından etibarən “İnter Mayami”nin formasını geyinir.
