"Barselona"nın baş məşqçisi Luis Enrike La Liqanın 13-cü turunda "Real" Sosyedad"la oyundan (1:1) sonra açıqlama verib.
Korner.az-ın məlumatına görə, o, heç-heçənin onlar üçün yaxşı nəticə olduğunu deyib:
"Bu oyunun 1:1 hesabı ilə bitməsi belə bizim üçün möcüzədir. Qalib gəlməyimiz ədalətsizlik olardı. "Real Sosyedad"ı təbrik edirəm. Ard-arda 5 dəqiq ötürmə də verə bilmədik. “Barselona”nın baş məşqçisi kimi, ilk dəfə etiraf edirəm ki, rəqib bizi oyun baxımından üstələdi. Yenidən ayağa qalxmalıyıq. Ən pis oyunumuzu oynadıq, ancaq "El-Klassiko"da fərqli "Barselona" görəcəyinizə əmin ola bilərsiz".
