İspaniya La Liqasında mübarizə aparan “Barselona”nın baş məşqçisi Luis Enrike “Real”a (Madrid) qarşı keçirəcəkləri matç haqda danışıb.
Korner.az-ın məlumatına görə, ispan mütəxəssis:
“Bu dəfə qərar verici bir matç olacaq. Ya liqada mübarizəni davam etdirəcəyik, ya da mübarizədən kənarda qalacağıq. Bizim üçün final matçıdı. Buna heç bir şübhə yoxdu. Daha sonra digər oyunların nəticələrinə baxacağıq. Hər bir halda riyazi cəhətdən şansımız davam edəcək”.
“Malaqa”ya qarşı oyunda qırmızı vərəqə görən və 3 oyunluq cəza alan Neymar haqda da danışan baş məşqçi: “Neymara görə etirazımızı bildirmişik. Oyuna qədər dəqiq bir şey deyə bilmərəm. Neymar olsa da, olmasa da, qazanmaq üçün çıxacağıq”.
Qeyd edək ki, “Real” – “Barselona” matçı sabah Bakı vaxtı ilə saat 22:45-də start götürəcək.
