"Gələn tur "Neftçi" ilə qarşılaşacağıq və bu matç üçün hazırlıqlarımızı davam etdiririk. Mövsümün sonuna kimi ciddi dəyişiklik gözlənilmir. Əsas məsələ yerli futbolçulara daha çox şans verməkdi. Düzdü əsas heyətdə zədəli futbolçular var. Bəzi futbolçular əvvəlki durumundan çox uzaqdırlar. Ancaq əvəzedici heyətdə onları əvəz edə bilən futbolçular var. Onların potensialı var. Çalışmalıyıq ki, qısa müddətdə həmin gənc futbolçuları əsas heyət üzvünə çevirək. Çox ciddi islahatlar olmayacaq. Siz əvəzedici heyətdən daha çox futbolçu görə bilərsiniz. Bu həm "Qəbələ" üçün, həm də Azərbaycan futbolu üçün yaxşı haldı".
Korner.az-ın Qəbələyə ezam olunmuş əməkdaşının verdiyi məlumata görə, bu sözləri "Qəbələ" klubunun baş məşqçisi Luis Arqon deyib. Müvəqqəti olaraq bu posta təyin olunan ispaniyalı mütəxəssis qarşıdakı "Neftçi" oyunu ilə bağlı bunları dedi
"Əvvəlki oyunlarda olduğu kimi "Neftçi"yə qarşı da mübraizə aparacağıq və çalışacağıq ki, bu mübarizənin sonunda qələbə qazanaq. Məqsədimiz "Neftçi"ni məğlub etməkdi. Mən dünən "Neftçi" – "Qarabağ" oyununa baxdım. Həmin oyunda penalti yox idi. Hakim səhv qərar verdi. Bəzən belə qərarlar oyunda ədalətsizliklər yaradır".
Araqon "Qəbələ"nin baş məşqçisi kimi yeni mövsümdən də komandanın başında olub-olmamasını belə dəyərləndirib:
"Mən "Qəbələ"yə məşqçi kimi işləməyə gəlmişəm. Bu gün "Qəbələ" mənə həvalə olunubsa deməli klub mənə inanır. Klub mənə harda desə, orda da işləyəcəm. Mən klubun məşqçisiyəm".
Daha sonra Luis Araqon komandasının daha çox topla oynamasını istədiyini bildirib:
"Mən daha çox istəyirəm ki, "Qəbələ"nin futbolçuları daha çox topla oynasın. Mən iki həftədir ki, burdayam və çalışıram ki, oyunçularımız topla daha çox oynasınlar".
