Luçano Spalletti “Yuventus”la müqavilə imzaladı
30.10.2025 , 22:30
Luçano Spalletti “Yuventus”un baş məşqçisi təyin olunub.
Korner.az xəbər verir ki, italyan mütəxəssis bu gün Turin klubunun ofisinə gedərək 2026-cı ilin yayına qədər nəzərdə tutulan müqaviləyə imza atıb.
Müqaviləyə görə, komanda Çempionlar Liqasına vəsiqə qazandığı təqdirdə əməkdaşlığın müddətini daha iki il uzatmaq imkanı da var.
Təyinatdan sonra Spalletti azarkeşlərlə şəkillər çəkdirib və avtoqraflar paylayıb. “Yuventus” fanatları məşqçini böyük rəğbətlə qarşılayıblar. Klubun rəsmi təqdimatı isə cümə günü baş tutacaq.
