Azərbaycan XXX London Yay olimpiadasında 4-cü medalını qazanıb. Korner.az-ın məlumatına görə, gecə saatlarında 91 kq çəki dərəcəsində ölkəmizi təmsil edən Teymur Məmmədov 1/4 finalda belaruslu Sergey Korneyevlə qarşılaşıb. Gərgin keçən döyüşdə xal fərqi 19:19 olsa da hakimlər qələbəni idmançımıza verib. Bununla da Teymur Məmmmədov yarımfinala adlayaraq ən azından bürünc medalı özünə təmin edib.
Londonda 1/8 finaldan yarışa qoşulan xanım boksçumuz Yelena Vıstropova isə ondan gözlənilənləri verməyib. İlk görüşündə artıq nigeriyalı boksçuya uduzan idmançımız turnirlə erkən vidalaşıb.
Qeyd edək ki, Olimpiya Oyunlarında digər boksçumuz Məhəmmədrəsul Məcidov (+91) 1/4 finala görüşünə bu gün çıxacaq.
