XXX London Yay Olimpiya Oyunlarının 4-cü günündə cüdo yarışlarında idmançılarımızdan Elnur Məmmədli (81 kq) və Ramilə Yusubova (63 kq) tatamiyə çıxacaq. Korner.az-ın məlumatına görə, 2008-ci il Pekin olmipiyadasının qalibi Elnur Məmmədliyə ümidlər bu dəfə də, böyükdü. Mübarizəyə 1/32 final mərhələsindən qoşulacaq Elnur kanadalı Antuan Val-Forte ilə üz-üzə gələcək.
Cüdoçumuz Bakı vaxtı ilə saat 13:30-da çıxacaq. İdmançımız Val-Forteni mübarizədən kənarlaşdıracağı təqdirdə növbəti mərhələdə böyük britaniyalı cüdoçu Euan Bartonla üz-üzə gələcək.
Xanım idmançımız Ramilə Yusubova isə mübarizəyə 1/16 final mərhələsindən start verəcək Xanım cüdoçumuzun rəqibi türkmənistanlı Gülnar Haytbayeva olacaq və bu görüş Bakı vaxtı ilə saat 13:45-də başlayacaq. Yusubova bu səddi aşacağı hal da, cənubi koreyalı Da-Vun Younqla üz-üzə gələcək.
Qeyd edək ki, Londona 8 cüdoçu ilə yollanan millimizin 4 idmançısı artıq mübarizəni dayandırıb
