“Liverpul”un “Enfild”də nadir yaşanan seriyası
28.11.2025 , 14:20
“Liverpul”un sabiq baş məşqçisi Yurgen Kloppun dövründə komanda “Enfild”də keçirilən 238 oyunun yalnız üçündə 3 və ya daha çox top fərqi ilə məğlub olmuşdu.
Korner.az xəbər verir ki, Arne Slotun rəhbərliyi altında isə klub oktyabrın sonundan noyabrın sonuna qədər eyni ağır hesabla üç dəfə uduzub.
Mersisayd təmsilçisi bu mövsüm evdə Çempionlar Liqasında PSV-yə 1:4, Premyer Liqada “Nottingem Forest”ə 0:3 və İngiltərə Federasiya Kubokunda “Kristal Pelas”a 0:3 hesabları ilə məğlub olub.
2024-cü ilin yayında “Liverpul”a baş məşqçi təyin olunan Arne Slot bundan əvvəl “Feyenoord”u çalışdırıb. Yurgen Klopp isə komandaya 2015-ci ilin oktyabrından 2024-cü ilin iyununa qədər rəhbərlik edib.
Qeyd edək ki, “Liverpul” cari Çempionlar Liqası mövsümündə “Qarabağ”la eyni qrupda yer alır.
