Sabah Quba Olimpiya İdman Kompleksində FİFA-nın bayrağı altında AFFA tərəfindən qızlar üçün “Live Your Goals” (Öz məqsədini yaşat) festivalı keçiriləcək.
Korner.az-ın AFFA-nın rəsmi saytına istinadən məlumatına görə, ölkəmizdə qadın futbolunun təbliğinin gücləndirilməsi, qızların bu idman növünə həvəsləndirilməsi məqsədilə keçirlən tədbirdə çoxsaylı azarkeşlərin və mətbuat nümayəndələrinin iştirakı gözlənilir.
Xatırladaq ki, bu, sayca üçüncü “Live Your Goals” festivalı olacaq. İlk dəfə bu ilin mart ayında AFFA Futbol Mərkəzindəki “Dalğa Arena”da keçirilmiş festival daha sonra – apreldə Zaqatala Olimpiya İdman Kompleksində təşkil olunmuşdu.
