Bu gün Avropa Liqasının III təsnifat mərhələsinin cavab oyunları keçirilib.
Korner.az-ın məlumatına görə, təmsilçimiz “Qəbələ” doöma meydanda “Lill”i qəbul edib.
Oyun “Qəbələ”nin 1:0 hesablı qalibiyyəti ilə yekunlaşıb. Oyundan sonra qonaqların çalışdırıcısı Frederiko Antonetti jurnalistlərin suallarını cavablandırıb:
– Oyundan sonraki hissləriniz…
– Hər iki klubun futbolçuları layiqli oynadı. Hər şey yüksk səviyyədə idi. Lakin, bu bir oyundu. Məğlubiyyəti də qəbul etmək lazımdı. Sadəcə, təssüf edirəm.
– Bu məğlubiyyəti gözləyirdinizmi?
– “Qəbələ” ilə Fransada çəti oyun olmuşdu. Bu oyundan sonra “Qəbələ”nin nəyə nail olduğunu bildik. Rəqib buna layiq idi və çox gözəl futbolçuları var.
– “Qəbələ”nin oyunu necə qiymətləndirirsiz?
– Super. Sadəcə, Bravo!
– Buna qədər heç bir Azərbaycan klubu Fransa komandasına qalib gəlməmişdi. Püşkatmadan sonra rəqibin “Qəbələ” olmasından sonra nə düşünürdünüz, bu nəticədən sonra nə düşünürsüz?
– Biz “Qəbələ”nin əvvəlki oyunlarını izləmişdik. Öyrəndik ki, güclü futbolçuları var. Bu gün də “Qəbələ” qazandığı nailiyyətə layiqli oyun oynadı.
