“Lids Yunayted” Kalvin Fillipsi geri qaytarmaq istəyir
28.11.2025 , 22:15
“Lids Yunayted” keçmiş futbolçusu Kalvin Fillipsi yenidən komandaya qaytarmaq istəyir.
Korner.az xəbər verir ki, İngiltərə mətbuatı klubun “Mançester Siti” ilə danışıqlara başlamağa hazır olduğunu yazır.
Lakin transferin baş tutması üçün “Lids”in xüsusi şərti var: Fillipsin maaşının böyük hissəsini “Mançester Siti” özü ödəməlidir.
Hazırda yarımmüdafiəçi Pep Qvardiolanın komandasında çox az oynama şansı əldə edir və bu səbəbdən qış transfer pəncərəsində komandadan ayrılmağa müsbət baxdığı qeyd olunur.
“Lids” rəhbərliyi Fillipsin geri dönüşünü həm komandanın oyun balansı, həm də azarkeşlərin dəstəyi baxımından əhəmiyyətli addım hesab edir.
