Avropa liqası

“Lex”in qapıçısı “Xəzər Lənkəran” və “Fırtınalar meydanı”ndan çəkinir

15.07.2012 , 16:07

“Bu, məmin Azərbaycana üçüncü səfərim olacaq. İlk dəfə “Xəzər Lənkəran”la oynayanda getmişdim. Həmin vaxt mərhələni nisbətən rahat keçmişdik. Lakin 2010-cu ildə “İnter”lə qarşılaşma daha çətin oldu. Poznandakı cavab qarşılaşmasını hələ də unutmamışam. Penaltilər seriyasında çətinliklə də olsa, mərhələni keçə bilmişdik”.

Korner.az-ın məlumatına görə, bu sözləri Avropa Liqasının ikinci təsnifat mərhələsi çərçivəsində "Xəzər Lənkəran"ın rəqibi olan Polşanın "Lex" klubunun qapıçısı Kristof Katarovski deyib.

Poznan klubunun əlcək sahibi ölkəsinin mətbuatına verdiyi açıqlamada "Xəzər Lənkəran"dan çəkindiklərini bildirib:

“İlk oyundan 4 il vaxt keçib. Bu isə az müddət deyil. Deməli, Lənkəran klubu da əvvəllki komanda deyil, çox dəyişikliklər olub. Həm də bu dəfə artıq Bakıda yox, Lənkəranda oynayacağıq ki, bunu da nəzərə almaq lazımdır. Oyuna çox ciddi hazırlaşırıq. Çoxları bizi favorit saysa da, düşünürəm ki, bizi çətin oyun gözləyir”.

Qeyd edək ki, “Lex” 2008-ci ildə Avropa Liqasının I təsnifat mərhələsində Bakıda “Xəzər Lənkəran”ı 1:0, Poznanda isə 4:1 hesabıyla məğlub etmişdi.

Son yazılar

Yuxarı