.jpg)
"Yenidən biz bir uzun səfərə çıxa bilərik. Ötən həftə Azərbaycana 20 min km məsafə qət etdik ki, bu da yaxşı deyildi".
Korner.az-ın məlumatına görə, bu sözləri Avropa Liqasında "Xəzər Lənkəran"a rəqib olan "Lex" klubunun baş məşqçisi Marius Rumak deyib. "Xəzər Lənkəran"ı keçəcəyi təqdirdə AİK (İsveç) – “Hafnarfyordur” (İslandiya) cütünün qalibi ilə qarşılaşacaq "Lex"in baş məşqçisi potensial rəqibləri haqda fikirlərini bölüşüb:
"Mən bu komandalar arasında baş tutan ilk görüşü izləməmişəm. Ona görə də hansı komandanın favorit olduğunu deyə bilmərəm. Təbii ki, bizim əsas məqsədimiz ikinci mərhələni uğurla adlamaqdır. Düşünürəm ki, növbəti rəqibimiz "Xəzər Lənkəran"dan tamamilə fərqli komanda olacaq.
Skandinaviya futbolu hər zaman üstün cəhəti ilə fərqlənib. Məlum məsələdir ki, biz ya İsveçə, ya da İslandiyaya səfər edəcəyik. Ancaq bu ölkələrə Münhendən gedəcəyimiz üçün problem yaşayacağımıza inanmıram".
