Avropa liqası

“Lex” sifariş ərizəsini UEFA-ya təqdim etdi

16.07.2012 , 06:53

 "Xəzər Lənkəran"ın Avropa Liqasının II təsnifat mərhələsində rəqibi olan Polşanın "Lex" klubu heyətdə bəzi islahatlar aparıb. Korner.az-ın məlumatına görə, Poznan təmsilçisi ilk mərhələdə  Qazaxıstanın "Jetisu" komandasıyla görüşlər üçün sifariş etdiyi oyunçulardan ikisini siyahıdan çıxarıb.

Bunlar Sergey Krivets və Kamil Driqasındı. Həmin futbolçuların adları "Xəzər Lənkəran"la oyunlar üçün sifariş ərizəsinə salınmayıb. Buna isə hər iki futbolçunun başqa komandaya keçməsi səbəb olub.

Əvəzində isə "Lex" klubu heyətini daha iki futbolçu ilə gücləndirib. Ötən mövsümü "Legia"da icarə əsasında keçirən Yakub Vilk yenidən "Lex"ə qayıdıb. Bundan əlavə, Yaroslav Ratayçakın adı da "Xəzər Lənkəran"la oyunun iştirak ərizəsinə daxil edilib.

"Lex"in "Xəzər Lənkəran"a qarşı oynayacağı futbolçuların siyahısı:

Qapıçılar: Yasmin Buriç, Kristof Kotorovski, Aleksandr Vandzel.

Müdafiəçilər: Manuel Arboleda, Tomaş Kedziora, İvan Dyurdyeviç, Martin Kaminski, Hubert Volakyeviç, Luis Enrikes.

Yarımmüdafiəçilər: Yakub Vilk, Yaroslav Ratajçak, Lukas Tralka, Yaçek Kyelb, Aleksandr Tonev, Rafal Muravski, Mateus Mojdjen, Simon Drevnyak.

Hücumçular: Bartos Slusarski, Dyerqo Lovrençiks, Voyo Ubiparip, Bartos Bereşinski, Patrik Volski.

Son yazılar

Yuxarı