“Bavariya”nın baş məşqçisi Karlo Ançelotti klubun hücumçusu Robert Levandovskinin Madrid “Real”ına keçəcəyi ilə bağlı xəbərlərə münasibət bildirib.
Korner.az məlumatına görə, italiyalı mütəxəssis polşalı forvardın yeni mövsümdə də “Bavariya”da qalacağını deyib:
“Rəhbərlik mənə dedi ki, Levandovski komandada qalacaq. “Real”ın Levandovski ilə maraqlandığını eşitmişəm. Ancaq onların hücumda Ronaldo, Benzema və Beyl kimi çox gözəl futbolçuları var. Düzünü desəm, Levandovski “Real”a lazım deyil. Lazım olsa belə, “Bavariya” onu “Real”a satmazdı. Niyə də dünyanın ən yaxşı hücumçularından birini digər kluba sataq?”.
