Levandovski “Barselona”dan ayrılmağa hazırlaşır
06.11.2025 , 21:00
“Barselona”nın hücumçusu Robert Levandovski bu mövsümün sonunda klubdan ayrılma ehtimalını nəzərdən keçirir.
Korner.az xarici KİV-ə istinadən xəbər verir ki, polşalı futbolçunun müqaviləsi gələn ilin ortasında başa çatır. Klub rəhbərliyi isə müqaviləni 2027-ci ilə qədər avtomatik uzatma bəndinə baxmayaraq, yeniləməyi düşünmür.
Levandovski gələcək karyerası ilə bağlı qərar verməzdən əvvəl “Barselona”nın mövqeyini öyrənmək istəyir. Hücumçu klubun onu saxlamaq niyyətində olub-olmadığını bilənə qədər başqa komandalarla danışıqlara başlamayacaq.
Son günlər onun Səudiyyə Ərəbistanına mümkün keçidi barədə xəbərlər yayılsa da, Levandovskinin Avropanı tərk etməyə hazır olub-olmaması hələ də məlum deyil.
