Leonardo Jardim “Kruzeyro”dan ayrıldı – Rəsmi
16.12.2025 , 10:30
Braziliyanın “Kruzeyro” klubunda baş məşqçi dəyişikliyi baş verib.
Korner.az klubun mətbuat xidmətinə istinadən xəbər verir ki, komandanın baş məşqçisi Leonardo Jardim vəzifəsindən istefa verib.
Portuqaliyalı mütəxəssisin rəhbərliyi altında “Kruzeyro” ölkə çempionatını üçüncü pillədə başa vurub. 51 yaşlı çalışdırıcı bu ilin fevral ayından etibarən A seriyası təmsilçisini idarə edirdi.
Qeyd edək ki, Leonardo Jardim daha əvvəl Fransada “Monako”, Portuqaliyada “Braqa” və “Sportinq”, həmçinin Səudiyyə Ərəbistanında “Əl-Hilal” klublarında baş məşqçi kimi fəaliyyət göstərib.
