Lamin Yamalın avtoqrafları artıq pulla satılacaq
17.10.2025 , 16:34
“Barselona”nın istedadlı hücumçusu Lamin Yamal azarkeşlərə daha pulsuz avtoqraf verməyəcək.
Korner.az xəbər verir ki, gənc futbolçu bu qərarı yeni kommersiya razılaşması ilə əlaqədar verib.
“Mundo Deportivo”nun məlumatına görə, 18 yaşlı oyunçu yeni reklam müqaviləsi imzalamağa hazırlaşır. Müqavilə çərçivəsində Yamalın imzası olan futbolkalar, butslar və digər məhsullar satışa çıxarılacaq. Məqsəd, onun imzasının kommersiya dəyərini qorumaqdır.
Klub rəhbərliyi də oyunçunun avtoqraflarının məhdud sayda versiyasına sahib olmaq istəyir. Müqavilə hələ rəsmi qüvvəyə minməsə də, danışıqların müsbət istiqamətdə getdiyi bildirilir.
Qeyd edək ki, Lamin Yamal “Adidas”, “Beats”, “Powerade”, “Oppo”, “Konami” və “Nesquik” kimi dünya brendləri ilə əməkdaşlıq edir və UNISEF-in səfiridir.
