La Liqa derbi ilə qayıdır
25.05.2020 , 11:25
İspaniya Peşəkar Futbol Liqasının prezidenti Xavyer Tebas La Liqanın bərpa ediləcəyi barədə xəbərləri təsdiq edib.
Korner.az xəbər verir ki, qurum rəsmisi iyunun 11-də Sevilya derbisi ilə çempionatın bərpa ediləcəyini deyib:
“Hər həftə ölkədə koronavirusa yoluxma faizi aşağı düşür. İspaniya çempionatının iyunun 11-də başlayacağı gözlənilir. Bunun üçün xeyli toplanacağıq. İyunun 11-i hesab edirəm ki, “Sevilya – “Real Betis” matçı keçiriləcək. Həftəsonu oyunlar 3 fərqli saatda keçiriləcək. Əgər temperatur yüksək olsa, oyunların saatını irəli çəkəcəyik”.
