Topaz Premyer Liqasının 9-cu turunda oktyabrın 21-də “Qəbələ” səfərdə “Xəzər Lənkəran”la qarşılaşacaq. Korner.az-ın məlumatına görə, bu qarşılaşma rəqiblər arasında 19-cu duel olacaq. İndiyədək baş tutan 18 matçdan 16-sı çempionat, 2-si kubok çərçivəsində keçirilib.
“Qəbələ” ümumilikdə 3 dəfə qalib gəldiyi görüşlərdə 11 dəfə məğlub olub. Daha 4 oyunun heç-heçə bitdiyi görüşlərdə top fərqi də lənkəranlıların xeyrinədir – 30:14.
Çempionatda baş tutan 16 görüşdə “Qəbələ” 3, “Xəzər Lənkəran” 10 dəfə 3 xala sevinib. 3 dəfə komandalar hərəyə 1 xal əldə ediblər. Burada top fərqi cənubluların 26:12-lik üstünlüyünü göstərir. “Qəbələ” 10-cu dəfə yollandığı səfər oyunlarında 1 dəfə qalib gəlib, 2 dəfə heç-heçə etdiyi rəqibə 6 dəfə uduzub. Lənkəranda 7 qola sevinən “Qəbələ” 17-ni buraxıb.
– “Xəzər Lənkəran”la əvvəlki 18 oyunda 88 futbolçu “Qəbələ” formasında çıxış edib.
– Abdulkader Kamara və Pavel Doroşev 9, Lyubo Baranin 8 matçda lənkəranlılara qarşı oynayıb.
– Bi oyunlarda Abdulkader Kamara və Pavel Doroşev 810, Lyubo Baranin 720 dəqiqə meydanda olub.
– “Qəbələ”nin 12 futbolçusu “Xəzər Lənkəran”ın qapısına qol vurub. Onlardan ikisi – Lyubo Baranin və Turnike Aptsiauri 2 dəfə fərqlənib.
– Abdulkader Kamara, Milan Antiç, Deon Barton, Viktor Mendi, Anatoli Ostap, Aleksandr Çertoqanov, İqor Melnik, İbrahim Hüseynov, Tomaş Stolpa və Camal Məmmədov “Xəzər Lənkəran”ın qapısına 1 qol vurub.
– Cənublularla matçlarda 2 futbolçu – Aleksandr Çertoqanov və Zurab Mamaladze qırmızı vərəqə alıb.
– 31 futbolçu bu matçlarda vərəqə ilə cəzalanıb. Vurğun Hüseynov 5, Aleksandr Çertoqanov 4 dəfə önündə vərəqə görüb.
– “Qəbələ” futbolçuları ümumilikdə 2-si qırmızı olmaqla 48 dəfə vərəqə ilə cəzalanıb.
– “Xəzər Lənkəran”la oyunlarda 7 qapıçı meydana çıxıb.
– Cahangir Həsənzadə 1, Qrem Smit 2, Zurab Mamaladze və Nadir Şükürov hərəyə 3, Elnar Kərimovla Xəyal Zeynalov jərəyə 4, Pavel Doroşev 13 qol buraxıb.
– “Qəbələ” – “Xəzər Lənkəran” oyunlarında 1 avtoqol qeydə alınıb. İrakli Vaşakidze 2008-ci il aprelin 9-da ev oyununda “Qəbələ” azarkeşlərini avtoqolla məyus edib.
– “Xəzər Lənkəran”la oyunlarda rəqib qapısına 2 penalti təyin olunub. Anatoli Ostap dəqiq olubsa, Samir Zərgərov bu şansdan yararlanmayıb.
– “Qəbələ”nin qapısına təyin olunan yeganə penalti isə Pavel Doroşevin qapısını toxunulmaz saxlaması ilə nəticələnib.