“Kəpəz” Peşəkar Futbol Klununun rəsmi saytı istifadəyə verildi. Korner.az-ın məlumatına görə, azarkeşlər www.pfckapaz.com yazmaqla klubun saytını izləyə biləcəklər. Bu haqda məlumatı klubun mətbuat xidmətinin rəhbəri Məqsəd Rəhimov verib:
Məqsəd Rəhimovun sözlərinə görə saytda Gəncənin digər komandası olan “Tərəqqi” də yaddan çıxmayıb:
“Gəncənin təmsilçisi olduğundan bu klubla da bağlı mütəmadi xəbərlər yerləşdirəcəyik. Bundan başqa saytda “Tərəqqi”nin oyunlarından video görüntülər də verməyə çalışacağıq”.
Rəhimovun bildirdiyinə görə, azarkeşlər internet portal vasitəsilə canlı olaraq oyunları izləyə biləcəklər.
“Hazırda bu məsələ, demək olar ki, tam həllini tapıb. Artıq yoxlama görüntüləri də baxışdan keçirmişik. Xırda texniki məsələlərin həlli qalıb. Yaxın günlərdə tamaşaçıların ev matçları ilə yanaşı səfər görüşlərini də izləməsi üçün şərait yaradacağıq”.
Bundan əlavə klubun rəsmi Facebook səhifəsi də fəaliyyətə başlayıb.
