“Kubokda şansımız var” – Ayxan Abbasov
22.04.2023 , 21:04
Azərbaycan Premyer Liqasının 31-ci turunda keçirilən “Turan Tovuz” – “Sabah” oyunundan (0:2) sonra müydan sahiblərinin baş məşqçisi Ayxan Abbasovun mətbuat konfransı keçirilib.
Korner.az xəbər verir ki, mütəxəssis məğlubiyyəti belə şərh edib:
“İlk öncə hər kəsi Ramazan bayramı münasibəti ilə təbrik edirəm. Azarkeşlərimizə sona qədər bizi dəstəklədiklərinə, möhtəşəm atmosfer yaratdıqlarına görə təşəkkür edirəm. Ağır oyun idi. Ağır qrafikdəyik. Hər oyun zədəlilərimizin artması bizi çox narahat edir. Bu gün də Tərlan Əhmədlinin zədələnməsi çox pis təsir etdi. İki cəbhədə vuruşmalıyıq. Meydançaya çıxan futbolçularıma da bildirmişdim ki, belə məsuliyətli oyunda özlərini göstərməlidirlər. Pis alınmadı, lakin rəqibin ustalığı öz sözünü dedi. Demək olar əllərinə düşən fürsətlərdən istifadə etdilər. Bizim də imkanlarımız oldu. Bəlkə də sonluq çatmadı. Sıx qrafikdə belə rotasiyaların olması normaldır. Kubokda şansımız var. Çox çətin olacağını bilirik. Rəqibin kimliyini yaxşı dərk edirik. Amma cavab oyununa gümrah getmək istəyirik. Ona görə də rotasilar etdik. İnşallah oyunda daha yaxşı olmaq istəyirik”.
