Krivotsyukun komandasından heç-heçə
14.08.2022 , 10:47
Polşa Ekstraklassasında V turun oyunları keçirilib.
Korner.az xəbər verir ki, Azərbaycan millisinin üzvü Anton Krivotsyukun formasını geyindiyi “Visla” (Plotsk) səfərdə “Poqon”la qarşılaşıb. Görüş 2:2 hesabı ilə başa çatıb.
Anton start heyətdə meydana çıxıb və sonadək mübarizə aparıb. Komandasının sonuncu qolunu da 88-ci dəqiqədə milli üzvü vuraraq, Plotsk təmsilçisini məğlubiyyətdən xilas edib.
“Visla” 5 turdan sonra 13 xalla 18 komanda arasında liderdir.
